Ndi ngani ri tshi ḓiphiṋa nga mabuthano ashu? U fana na ngei Isiraele, mabuthano a ri ṋea tshibuli tsha u gwadamela Yehova na vhahashu vha zwigidi na zwigidi. Ri funa zwithu zwoṱhe zwine ra gudiswa zwone uri ri dzule ri tsini na Yehova. Ri sa ambi nga u fhedza tshifhinga na khonani na miṱa yashu. Mabuthano ashu ri a a dzhiela nṱha vhukuma, ndi ngazwo ri tshi lwela u vha hone lwa maḓuvha oṱhe mararu.

Musi ri tshi wana tshikhala tsha u ṱangana na vhaṅwe, a ro ngo tea u humbula nga ha zwine ra nga zwi wana fhedzi, ri tea u humbula na nga ha u sumbedza vhaṅwe lufuno. (Gal 6:10; Hev 10:24, 25) Musi ri tshi vulela vhahashu muṋango kana u buka vhudzulo vhune ra ḓo vhu ṱoḓa fhedzi, ri vha ri tshi khou sumbedza uri a ri humbuleli riṋe vhaṋe fhedzi. (Flp 2:3, 4) Mabuthano a ri vulela zwibuli zwa u wana khonani ntswa. Ri nga ḓiitela tshipikwa tsha u amba na muthu ane ra sa mu ḓivhe musi mbekanyamushumo i sa athu thoma na musi yo no fhela na nga tshifhinga tsha u awela. (2Krt 6:13) Khonani dzine ra dzi wana nga zwenezwi zwifhinga, dzi nga vha dza tshoṱhe! Tsha ndeme vhukuma ndi uri, musi vhaṅwe vha tshi vhona ri tshi sumbedza lufuno lwa vhukuma, vha nga khetha u ḓa u shumela Yehova na riṋe.—Yoh 13:35.

ṰALELANI VIDIO INE YA RI: BUTHANO ḼA TSHAKA DZOṰHE ḼA ‘LUFUNO LU NGA SI FHELE’! NGA MURAHU NI FHINDULE MBUDZISO DZI TEVHELAHO:

• Vhahashu vha bvaho kha maṅwe mashango vho sumbedzwa hani lufuno mabuthanoni a tshaka dzoṱhe a 2019?

• Ndi ngani vhuthihi na lufuno lune vhathu vha Yehova vha vha nalwo zwi tshi mangadza?

• Miraḓo ya Tshigwada Tshi Langaho yo sumbedza hani lufuno lwa Vhukriste?

• Lufuno lwo ita hani uri vhahashu vha Germany na vha South Korea vha vhe na vhuthihi?

• Ri tea u ḓiimisela u ita mini?