Vhathu vhane ra tshila navho, vha dzhia zwithu zwavhuḓi zwi zwivhi nahone zwivhi zwi zwavhuḓi. (Yes 5:20) Zwi pfisaho vhuṱungu ndi uri vhathu vha ita zwine Mudzimu a zwi vhenga, u fana na u ita zwa vhudzekani na muthu wa mbeu i fanaho na yau. Vhaṅwe tshikoloni vha nga lingedza u ita uri vhaswa vhane ra vha funa vha ḓifare luvhi u fana navho. Ni nga thusa hani vhana vhaṋu uri vha lugele u sedzana na milingo i fanaho na yeneyi?

Gudisani vhana vhaṋu nga ha zwine Yehova a zwi funa. (Lev 18:3) Vha gudiseni zwine Bivhili ya funza nga ha zwa vhudzekani nga zwiṱuku nga zwiṱuku. Ni vha funze u tendelana na miṅwaha yavho uri vha kone u pfesesa. (Dot 6:7) Ḓivhudziseni uri: ‘Naa ndo gudisa ṅwananga nḓila yo linganyiselwaho ya u sumbedza maḓipfele? Naa ndo mu gudisa uri ndi ngani zwi zwa ndeme u ambara nga nḓila yavhuḓi na uri vhaṅwe vhathu vha tea u ṱhonifha zwithu zwawe zwa tshiphirini? Naa ṅwananga u a ḓivha uri u tea u ita mini arali muṅwe muthu a mu sumbedza pornography kana a mu humbela uri a ite zwithu zwine Yehova a zwi vhenga?’ U vha na nḓivho zwi nga vha thusa u iledza makhaulambilu. (Mir 27:12; Muh 7:12) Nga u gudisa vhana vhaṋu, ni vha ni tshi khou sumbedza uri ni funa ifa ḽe na ṋewa nga Yehova.—Ps 127:3.

ṰALELANI VIDIO INE YA RI: FHAṰANI MUḒI WO KHWAṰHAHO—TSIRELEDZANI VHANA VHAṊU KHA “VHUVHI,” NGA MURAHU NI VHUDZISE MBUDZISO DZI TEVHELAHO:

• Ndi ngani vhaṅwe vhabebi vha sa vhudzi vhana vhavho nga ha vhudzekani?

• Ndi ngani vhabebi vha tshi tea u gudisa vhana vhavho nga u “vha laya na u vha ṱuṱuwedzela zwa Yehova”?—Ef 6:4

• Ndangulo ya Yehova yo bveledza mini u itela u thusa vhabebi u gudisa vhana vhavho nga ha vhudzekani?—w19.05 12, bogisi

• Ndi ngani ni tshi tea u dzula ni tshi amba na vhana vhaṋu vha sa athu ṱangana na thaidzo?