Samusi Yehova o dzudzanya Vhaisiraele, na ṋamusi u a dzudzanya vhathu vhawe uri vha ite mushumo we a vha ṋea. U mona na shango ḽoṱhe, dzi ofisi dza madavhi, maisela, zwivhidzo na zwigwada zwa tsimu zwi a shumisana u itela u huwelela mafhungo maḓifha. Ri huwelela kha vhathu vhoṱhe na vhane vha amba luambo lwo fhambanaho na lwashu.—Nzu 14:6, 7.

No no vhuya na humbula nga ha u guda luṅwe luambo u itela u thusa vhaṅwe uri vha ḓivhe ngoho? Naho ni si na tshifhinga tsha u guda luṅwe luambo, ni nga shumisa JW Language app u itela u guda nḓila yo leluwaho ya u thoma nyambedzano. Nga u ita zwenezwo, ni nga ḓipfa u fana na Vhakriste vha ḓanani ḽa u thoma. Vho vha vho takala vhukuma musi vhathu vha maṅwe mashango vha tshi mangadzwa nga u pfa “mishumo ya maanḓa ya Mudzimu” nga nyambo dzavho.—Mis 2:7-11.

ṰALELANI VIDIO INE YA RI: IVHANI KHONANI YA YEHOVA—HUWELELANI NGA LUṄWE LUAMBO, NGA MURAHU NI FHINDULE MBUDZISO DZI TEVHELAHO:

• JW Language app i nga ni thusa hani?

• Ndi zwifhio zwiṅwe zwa zwithu zwine zwa vha khayo?

• Vhathu vha tsimuni yaṋu vha amba nyambo dzifhio?

• Ni tea u ita mini arali muthu ane a amba luṅwe luambo o sumbedza dzangalelo?​—od-E 100-101 ¶39-41