Uri vhagudiswa vha Bivhili vha vhe khonani dza Yehova, vha tea u khetha khonani dzavhuḓi. (Ps 15:1, 4) Khonani dzavhuḓi dzi ḓo vha ṱuṱuwedza uri vha ite zwo lugaho.—Mir 13:20; lff ngudo 48.

Musi ni tshi khou thusa vhagudiswa vha Bivhili uri vha iledze khonani dzi si dzavhuḓi, ni songo vha fhelela mbilu. Zwi nga vha konḓela u litsha khonani dzavho dza kale. Vha sumbedzeni uri ni na ndavha navho. Ni nga ita zwenezwi nga u vha rumela mulaedza, u founa kana u vha dalela na nga maḓuvha ane na vha ni sa khou vhala navho. Musi vhagudiswa vha Bivhili vha tshi khou ita mvelaphanḓa yavhuḓi, ni nga vha ramba uri ni fhedze tshifhinga navho na vhathu vha Yehova. Vha ḓo kona u vhona uri vha ḓo wana zwinzhi u fhira zwine vha ḓo xelelwa ngazwo. (Mar 10:29, 30) Na inwi ni ḓo takala musi ni tshi vhona muṱa wa Yehova u tshi khou aluwa.

ṰALELANI VIDIO INE YA RI: THUSANI VHAGUDISWA VHAṊU VHA BIVHILI U ILEDZA VHUKONANI VHU SI HAVHUḒI NGA MURAHU NI FHINDULE MBUDZISO DZI TEVHELAHO:

• Khonani dzi si dzavhuḓi ndi dzifhio?—1Krt 15:33

• Naki o vha o humbula uri u ṱwa na Ṱhanzi dza Yehova zwi ḓo vha zwi hani?

• Neeta o thusa hani Naki u litsha khonani dzi si dzavhuḓi?