Ndi ngani ni tshi tea u somolela vhabebi vhaṋu zwa haṋwani? (Mir 23:26) Ndi ngauri Yehova o vha ṋea vhuḓifhinduleli ha u ni ṱhogomela na u ni livhisa. (Ps 127:3, 4) Zwi nga vha konḓela uri vha ni thuse arali ni tshi vha dzumbela nḓila ine na ḓipfa ngayo. Zwiṅwe hafhu, ni nga xelelwa nga tshibuli tsha u ḓivha nga ha zwe vha zwi tshenzhela vhutshiloni. Naa zwo khakhea u sa vha vhudza zwiṅwe zwa zwithu? A zwo ngo khakhea, fhedzi a no ngo tea u vha ḓodza museṱo maṱoni. —Mir 3:32.

Ni nga amba hani na vhabebi vhaṋu? Lingedzani u wana tshifhinga tsho teaho tsha u amba. Arali u ita ngauralo zwi tshi khou ni konḓela, ni nga ṅwalela muṅwe wavho vhurifhi na amba nḓila ine na khou ḓipfa ngayo. Hu pfi mini arali vha tshi khou ṱoḓa u amba nga ha zwithu zwine na sa takalele u amba nga hazwo? Ni songo hangwa uri vha ṱoḓa u ni thusa. Dzhiani vhabebi sa khonani dzaṋu, hu si maswina aṋu. U ita vhuḓidini ha u ambedzana na vhabebi vhaṋu no vhofholowa, zwi ḓo ni vhuyedza vhutshilo haṋu hoṱhe.—Mir 4:10-12.

ṰALELANI VIDIO INE YA RI: MUSI NDI MIṄWAHANI YA VHUSWA—NDI NGA AMBA HANI NA VHABEBI VHANGA? NGA MURAHU NI FHINDULE MBUDZISO DZI TEVHELAHO:

• Esther na Partik vho ṱhogomela mini nga ha vhone vhaṋe?

• Ni guda mini kha tsumbo ya Yesu?

• Vhabebi vhaṋu vho sumbedza hani uri vha na ndavha na inwi?

• Ndi vhulivhisi vhufhio vhu re Bivhilini vhune ha nga ni thusa uri ni ambe na vhabebi vhaṋu?