Ipfi ḽa Mudzimu ḽi nga shandula vhutshilo hashu. (Hev 4:12) Naho zwo ralo, u itela uri ri vhuyelwe nga ndayo na vhulivhisi vhu re Bivhilini, ri tea u vha na vhungoho ha uri ndi “ipfi ḽa Mudzimu.” (1The 2:13) Ri nga vha hani na lutendo lwo khwaṱhaho kha Bivhili?

Vhalani Bivhili ḓuvha ḽiṅwe na ḽiṅwe. Musi ni tshi vhala, ṱoḓani vhuṱanzi ha uri Yehova ndi Muṅwali wayo. Sa tsumbo, ṱolisisani zwi re kha bugu ya Mirero ni ṱhogomele uri vhuṱali vhu re khayo vhu ri kwama hani na ṋamusi.—Mir 13:20; 14:30.

Thomani mbekanyamushumo ya u guda. Ḓivhani khwiṋe zwithu zwi ṋeaho vhuṱanzi ha uri Bivhili yo hevhedzwa nga Mudzimu. Iyani kha Research Guide for Jehovah’s Witnesses, ni sedze fhasi ha tshiṱoho, “The Bible” nahone ni dzhene kha tshine tsha ri, “Inspired by God.” Ni nga dovha na khwaṱhisa lutendo lwaṋu kha uri mulaedza u re Bivhilini a wo ngo shandulwa nga u ṱolisisa Ṱhumetshedzo A3 kha Ṱhalutshedzelo Ya Shango Ḽiswa.

ṰALELANI VIDIO INE YA RI: ZWI ITAHO URI RI VHE NA LUTENDO KHA . . . IPFI ḼA MUDZIMU, NGA MURAHU NI FHINDULE MBUDZISO DZI TEVHELAHO:

• Zwo waniwaho kha luvhondo lwa thembeleni ya Karnak ngei Egipita zwi sumbedza hani uri Ipfi ḽa Mudzimu ḽi amba ngoho?

  textarea-1

• Ri zwi ḓivha hani uri mulaedza u re Bivhilini a wo ngo shanduka?

  textarea-2

• Uri Bivhili i kha ḓi vha hone na ṋamusi zwi ni sumbedza hani uri ndi Ipfi ḽa Mudzimu?—Vhalani Yesaya 40:8

  textarea-3