Ndi ngani ni tshi tea u ḓilugisela zwino? Vhuimo ha shishi ha zwa ngalafho vhu nga sokou bvelela zwi songo lavhelelwa. Nga zwenezwo, itani zwoṱhe zwine na nga kona zwino hu sa athu vha na vhuimo ha shishi ha zwa ngalafho uri ni kone u wana ngalafho ya khwiṋe. U ita zwenezwo zwi sumbedza uri ni ṱhonifha vhutshilo na mulayo wa Yehova nga ha malofha.—Mis 15:28, 29.

Ni nga ita mini u itela u ḓilugisela?

• Rabelani na u ḓadza nga vhuronwane khadi ya malofha, durable power of attorney (DPA). a Vhahuweleli vho lovhedzwaho vha nga wana yeneyi khadi ya DPA kha wahashu ane a shuma u humbelela tshivhidzo khandiso u katela na khadi ya vhana vhavho i vhidzwaho Identity Card (ic).

• Arali no vhifha muvhilini, humbelani vhahulwane kopi ya Information for Expectant Mothers (S-401). Yeneyi fomo I ḓo ni thusa uri ni ite phetho ya vhuṱali ya zwa ngalafho musi ni sa athu vhofholowa na musi ni tshi vhofholowa.

• Arali ni khou tea u ita ngalafho ya zwithu zwi kwamaho malofha kana u dzula sibadela, ḓivhadzani vhahulwane hu tshee na tshifhinga nahone ni vhudze madokotela uri ni ḓo dalelwa nga Ṱhanzi Dza Yehova.

Vhahulwane vha nga thusa hani? Vha nga ni thusa u ḓadza khadi ya DPA. Naho zwo ralo, vha nga si ni itele phetho nga ha ngalafho kana u amba mavhonele avho kha zwithu zwine zwa ṱoḓa uri inwi muṋe ni ḓiitele phetho. (Rom 14:12; Gal 6:5) Musi ni tshi vhudza vhahulwane vha tshivhidzo tshaṋu uri ni khou sedzana na thaidzo ya ngalafho i kwamaho malofha, vha ḓo ṱavhanya vha ni ambela na vha Hospital Liaison Committee (HLC).

Vha HLC vha nga thusa hani? Vhahashu vhane vha shuma kha HLC vho gudiswa uri vha kone u thusa madokotela na vha mulayo uri vha pfesese vhuimo hashu nga ha u shelwa malofha. Vha nga ambedzana na dokotela waṋu nga ha dziṅwe nḓila dza u ni alafha hu sa shumiswi malofha. Arali zwi tshi ṱoḓea, vha nga ni thusa u wana dokotela ane a pfesesa vhuimo hashu nga ha u shelwa malofha.

ṰALELANI VIDIO INE YA RI: NI NGA ITA HANI PHETHO NGA HA U SHELWA MALOFHA? NGA MURAHU NI FHINDULE MBUDZISO I TEVHELAHO:

• Ndi mini zwe na guda kha iyi vidio zwine zwa nga ni thusa uri ni dzule no ḓilugisela vhuimo ha shishi vhu kwamaho malofha?

  textarea-1