Nga ano maḓuvha a vhufhelo, ri sedzana na milingo minzhi i konḓaho. Tshiṅwe tshifhinga ri nga vhona u nga milingo yashu a i konḓelelei. Naho zwo ralo, arali ra bvela phanḓa na u sendela tsini na Yehova, u ḓo ri thusa uri ri kone u kunda na milingo i vhaisaho vhukuma. (Yes 43:2, 4) Ri nga sendela hani tsini na Yehova musi ri tshi khou sedzana na milingo?

Nga thabelo. Musi ri tshi vhudza Yehova zwoṱhe zwi re mbiluni, u a ri ṋea mulalo na nungo uri ri kone u bvela phanḓa.—Flp 4:6, 7; 1The 5:17.

Nga u ya miṱangano. Ri ṱoḓa zwiḽiwa zwi khwaṱhisaho lutendo u fhira naho hu lini na u konana na vhahashu vhe Yehova a ri ṋea vhone miṱanganoni. (Hev 10:24, 25) Musi ri tshi lugiselela, u ya miṱanganoni na u fhindula, ri a vhuyelwa vhukuma nga thuso ine Yehova a ri ṋea yone a tshi shumisa muya mukhethwa.—Nzu 2:29.

Nga u huwelela. Zwi ḓo ri lelutshela u livhisa ṱhogomelo kha zwithu zwavhuḓi arali ra ita zwoṱhe zwine ra nga kona u itela u dzula ro farekanea nga u huwelela. Ri ḓo khwaṱhisa na vhushaka hashu na Yehova u katela na vhahashu.—1Krt 3:5-10.

ṰALELANI VIDIO INE YA RI: YEHOVA U ḒO NI ṰANGANEDZA, NGA MURAHU NI FHINDULE MBUDZISO DZI TEVHELAHO:

• Malu o thuswa nga mini uri a dzule e tsini na Yehova musi a tshi khou sedzana na milingo?

  textarea-1

• U tou fana na Malu, maipfi a re kha Phisalema 34:18 a nga ri khuthudza hani musi ri tshi khou sedzana na milingo?

  textarea-2

• Tshenzhelo ya Malu i sumbedza hani uri Yehova u ri ṋea “maanḓa a songo ḓoweleaho” musi ri tshi khou sedzana na milingo.—2Krt 4:7.

  textarea-3