9:62

Uri mulimi a ite foro i songo kombamaho, o vha a songo fanela u thithiswa nga zwine zwa vha murahu hawe. Nga hu fanaho, Mukriste ha ngo fanela u thithiswa nga zwithu zwe a zwi sia shangoni.—Flp 3:13.

Musi ri tshi ṱangana na vhuleme, zwo leluwa uri ri humbule nga ha vhutshilo he ra vha ri tshi vhu tshila musi ri sa athu ḓivha ngoho. Musi ri tshi ita ngauralo, ri anzela u hangwa vhuleme he ra vha ri tshi sedzana naho, ra humbula fhedzi nga ha zwe zwa vha zwi tshi ri takadza. Ndi zwe Vhaisiraele vha zwi ita musi vha tshi bva Egipita. (Num 11:5, 6) Arali ra vha na eneo mahumbulele ri nga lingea uri ri vhuyelele kha nḓila dzashu dza kale. Ndi zwavhuḓi lungafhani u humbula nga phaṱhutshedzo dzine ra vha nadzo zwino na u livhisa ṱhogomelo kha dakalo ḽine ra ḓo vha naḽo fhasi ha Muvhuso wa Mudzimu!—2Ko 4:16-18.