Yehova o thusa vhashai tshifhingani tsha Vhaisiraele. Ṋamusi, Yehova u thusa hani vhathu vhawe vhane vha shaya?

• U vha gudisa uri vha fushee nga zwine vha vha nazwo.—Luk 12:15; 1Ti 6:6-8

• U vha thusa uri vha sa ḓipfe vhe si tshithu. —Yob 34:19

• U vha gudisa uri vha vhe vhashumi vha biko na uri vha iledze zwithu zwi si zwavhuḓi.—Mir 14:23; 20:1; 2Krt 7:1

• U ita uri vha vhe tshipiḓa tsha muṱa wa Vhukriste u re na lufuno.—Yoh 13:35; 1Yo 3:17, 18

• U ita uri vha vhe na fhulufhelo.—Ps 9:18; Yes 65:21-23

Naho ha nga vhifha lungafhani a ro ngo tea u vhilaela. (Yes 30:15) Yehova u ḓo ri ṋea zwine ra zwi shaya arali ra dzula ri tshi ṱoḓa Muvhuso wawe u thoma.—Mat 6:31-33.

ṰALELANI VIDIO INE YA RI: LUFUNO LU NGA SI VHUYE LWA FHELA HU SA LONDWI . . . VHUSHAI—CONGO, NGA MURAHU NI FHINDULE MBUDZISO DZI TEVHELAHO:

• Vhahashu vhane vha dzula tsini na hune mabuthano a farelwa hone, vha sumbedza hani mafunda kha vhahashu vhane vha tea u fara lwendo lulapfu musi vha tshi ḓa mabuthanoni?

• Iyi vidio i sumbedza hani uri Yehova u funa vhashai?

• Ri nga edzisa hani Yehova hu sa londwi zwine ra vha nazwo?