U pfela vhuṱungu ndi u kona u pfesesa zwine vhaṅwe vha humbula, nḓila ine vha ḓipfa ngayo, zwine vha zwi dzhiela nṱha na zwine vha zwi ṱoḓa. Vhaṅwe vhathu vha a kona u zwi vhona uri ri a vha pfela vhuṱungu. U ṱoḓa u thusa vhathu zwi tshi bva mbiluni zwi ḓo ita uri ri kone u vha pfela vhuṱungu. Musi ri tshi pfela vhuṱungu vhuḓinḓani, ri vha ri tshi khou edzisa nḓila ine Yehova a vha na ndavha ngayo na lufuno. Zwenezwi zwi ita uri vhathu vha ṱoḓe u mu ḓivha.—Flp 2:4.

A ri sumbedzi u pfela vhuṱungu musi ri tshi funza fhedzi. Ri sumbedza u pfela vhuṱungu nga nḓila ine ra thetshelesa ngayo, nḓila ine ra amba ngayo, u dzinginyisa muvhili na mbonalo ya tshifhaṱuwo. Ri dovha ra sumbedza u pfela vhuṱungu nga u vha na dzangalelo kha muṅwe muthu. Ri livhisa ṱhogomelo kha zwine a zwi funa, zwine a tenda na vhuimo vhune a vha khaho. A ri mu kombetshedzi uri a shanduke, ri mu gudisa zwithu zwine zwa nga mu thusa uri a khwinise vhutshilo hawe. Musi vhathu vhane ra khou huwelela khavho vha tshi tenda ri tshi vha thusa, zwi ita uri ri ḓiphine nga mushumo wa u huwelela.

ṰALELANI VIDIO INE YA RI: ḒIPHINENI NGA U ITA VHAFUNZIWA—KHWINISANI VHUTSILA HAṊU—PFELANI VHUṰUNGU, NGA MURAHU NI FHINDULE MBUDZISO DZI TEVHELAHO:

• Neeta o sumbedza hani u pfela vhuṱungu musi Naki o lenga?

• Neeta o sumbedza hani u pfela vhuṱungu musi Naki a tshi ri a nga si kone u guda?

• Neeta o sumbedza hani u pfela vhuṱungu musi Naki a tshi ri ho ngo dzudzanyea?