Vhahashu vha shuma nga maanḓa u itela u ri lugiselela maambele a tsumbo nahone vhahuweleli vhanzhi vho wana uri a a vhuyedza musi vhe tsimuni. Naho zwo ralo, samusi zwiimo zwi tshi fhambana zwi tshi ya nga mashango, vhahuweleli vha nga shumisa zwine zwa shuma tsimuni yavho kana u haseledza tshiṱoho tshine tsha kwama vhathu vha hune vha huwelela hone. Fhedzi muṅwe na muṅwe u tea u tevhela vhulivhisi hoṱhe ha fulo ḽo khetheaho. Tshipikwa tshashu ndi u ita zwe Yesu a laedza zwa uri ri huwelela mafhungo maḓifha a Muvhuso.—Mat 24:14.

Musi vhahuweleli vha tshi ita nyambo dza vhagudiswa, vha tea u shumisa tshiṱoho tsha tsumbo ya u thoma nyambedzano tshi re kha Tshibugwana Tsha Muṱangano Wa Vhutshilo Na Vhuḓinḓa. Naho zwo ralo, vha nga khetha u shumisa iṅwe mbudziso, luṅwalo, madzudzanyele kana zwine zwa ḓo haseledzwa kha lwendo lu tevhelaho zwine zwa kwama vhathu vha tsimuni yavho, nga nnḓa ha musi zwo sumbedzwa nga iṅwe nḓila. Zwenezwi zwi khwinisa vhulivhisi he ra ṋewa kha tshibugwana tsha muṱangano tsha June 2020 kha siaṱari 8.