Ni ṱoḓa lutendo uri ni kone u pfuluwa hune na dzula hone na ya fhethu huswa u itela uri ni kone u ita zwo engedzeaho tshumeloni ya Yehova. (Hev 11:8-10) Arali ni tshi khou humbula u pfulutshela fhethu hu re na ṱhoḓea khulwane, ambani na vhahulwane vha tshivhidzoni tshaṋu. Ndi mini zwine zwa nga ni thusa uri ni vhone arali zwi tshi ḓo konadzea u pfulutshela fhethu hu re na ṱhoḓea? Sedzani zwine khandiso dzashu dza amba zwone nga ha u pfulutshela hu re na ṱhoḓea khulwane. Ambani na vhaṅwe vho no pfuluwaho u itela u ya u thusa kha zwiṅwe zwivhidzo. (Mir 15:22) Rabelani uri Yehova a ni thuse. (Yak 1:5) Itani ṱhoḓisiso nga ha fhethu hune na khou humbula u pfulutshela hone nahone ni hu dalele lwa maḓuvha o vhalahonyana ni sa athu ita phetho.

ṰALELANI VIDIO INE YA RI: IVHANI NA LUTENDO, NI SHUMISE ZWIBULI ZWE NA VULELWA ZWONE—PFULUTSHELANI HU RE NA ṰHOḒEA KHULWANE, NGA MURAHU NI FHINDULE HEDZI MBUDZISO:

• Gabriel o tea u ita tshanduko dzifhio nahone ndi mini zwo mu thusaho?