Nga September ri ḓo finya dza khwaṱha u itela u thoma pfunzo ya Bivhili na ṋemuḓi muṅwe na muṅwe ri tshi shumisa bugwana Ḓiphiṋeni Nga Vhutshilo Lwa Tshoṱhe! Vhahuweleli vha nga khetha u dzhia vhavulanḓila ha u thusa vha shuma awara dza 30. Ḽeneḽi fulo ḽo khetheaho ri ḓo ḽi itisa hani?

• Kha Lwendo Lwa U Thoma: Shumisani nga murahu ha bugwana u itela u ṱahulela dzangalelo nahone ni lingedze u sumbedza uri pfunzo ya Bivhili i farwa hani. Ni songo hangwa vhe vha vhuya vha sumbedza dzangalelo u katela na vhane na vhuyelela khavho. Naho vho vhuya vha hana u guda tshifhingani tsho fhiraho, vha nga kha ḓi takalela nḓila yashu ntswa ya u gudisa Bivhili na bugwana yashu. Bugwana a dzo ngo tea u siiwa muḓini une ha si vhe na muthu kana kha zwibogisi zwa marifhi a vhathu vhe vha si sumbedze dzangalelo. Komiti Ya Tshumelo Ya Tshivhidzo i nga dzudzanya miṱangano ya tsimu yo engedzeaho nga wonoyo ṅwedzi.

• Dziṅwe Nḓila: Arali tshivhidzo tsha vhoiwe tshi tshi shumisa zwigariki, anḓadzani bugwana Ḓiphiṋeni Nga Vhutshilo Lwa Tshoṱhe! Vhudzani vhe vha sumbedza dzangalelo uri musi vha tshi wana bugwana vha nga wana na pfunzo ya Bivhili ya mahala. Nga tou pfufhifhadza sumbedzani uri pfunzo ya Bivhili i farwa hani kana ni dzudzanye u zwi ita nga murahu. Mulavhelesi wa tshumelo a nga dzudzanya uri vhahuweleli vhane vha fanelea vha ye u huwelela kha mabindu uri vha thome pfunzo dza Bivhili. Ni nga dovha na humbela pfunzo ya Bivhili kha vhathu vhane na shuma navho kana vhane na ṱangana navho ni tshi huwelela lu songo dzudzanywaho.

Yesu o ri laedza uri ri “ite vhathu vhafunziwa,” ri “vha funze.” (Mat 28:19, 20) U nga ri ḽeneḽi fulo ḽo khetheaho ḽi nga ri thusa u ita zwenezwo ri tshi shumisa Ḓiphiṋeni Nga Vhutshilo Lwa Tshoṱhe!