Bivhili i na tsumbo nnzhi dza thabelo dze Yehova a dzi fhindula. Musi vhashumeli vha Yehova vha tshi vhona uri Yehova o vha thetshelesa musi vha tshi mu vhudza mbilaelo dzavho na u vha thusa, a zwi timatimisi uri lutendo lwavho lwo khwaṱha. Nga zwenezwo ndi zwa ndeme uri ri ambe nga ho livhaho musi ri tshi rabela nahone ri lingedze u vhona nḓila ine Yehova a ri fhindula ngayo. Ni humbule uri phindulo yawe i nga vha yo fhambana na zwe na vha no lavhelela kana a ni ṋea zwinzhi u fhira zwe na vha no lavhelela. (2Krt 12:7-9; Ef 3:20) Yehova a nga fhindula hani thabelo dzashu?

• Nga u ri ṋea nungo, u ita uri ri sa vhilaele lwo kalulaho na u ri ṋea lutendo uri ri sedzane na thaidzo yashu.—Flp 4:13

• Nga u ri ṋea vhuṱali ha u ita phetho yo teaho—Yak 1:5

• Nga u ri ṋea lutamo na maanḓa a u ita zwo teaho.—Flp 2:13

• Nga u ita uri ri dzike musi ri na mbilaelo.—Flp 4:6, 7

• Nga u shumisa vhaṅwe uri vha ri thuse nga zwine ra ṱoḓa kana u ri khuthadza na u ri ṱuṱuwedza.—1Yo 3:17, 18

• Nga u thusa vhe ra vha rabelela.—Mis 12:5, 11

ṰALELANI VIDIO INE YA RI: YEHOVA NDI “MUPFI WA THABELO,” NGA MURAHU NI FHINDULE MBUDZISO DZI TEVHELAHO:

• Tshenzhelo ya Wahashu Vho Shimizu i nga ri ṱuṱuwedza hani arali ri sa koni u ita zwinzhi nga nṱhani ha thaidzo dza mutakalo?

• Ri nga edzisa hani tsumbo ya Wahashu Vho Shimizu?