VHUTSHILO HA MUKRISTE
Ni Nga Thusa Muṱa Waṋu Uri U Takale Nga Ho Engedzeaho
Yehova u ṱoḓa vhathu vha tshi takala miṱani. (Ps 127:3-5; Muh 9:9; 11:9) Fhedzi mitsiko ya ḽino shango na vhukhakhi vhune ha itwa nga miraḓo ya muṱa washu zwi nga ita uri ri si tsha takala. Muṅwe na muṅwe a nga shela hani mulenzhe kha u ita uri muṱani hu vhe na dakalo?
Munna u tea u hulisa mufumakadzi wawe. (1Pe 3:7) U fhedza tshifhinga nae. Ha lavheleli uri a ite zwithu zwine a nga si zwi kone nahone u dzhiela nṱha zwine a mu itela zwone na muṱa wawe. (Kol 3:15) U sumbedza uri u a mu funa na u mu khoḓa.—Mir 31:28, 31.
Mufumakadzi u ṱoḓa nḓila dza u tikedza munna wawe. (Mir 31:12) U a ḓiṱukufhadza khae na u shumisana nae zwavhuḓi. (Kol 3:18) U amba nae zwavhuḓi na u amba zwithu zwavhuḓi nga hae.—Mir 31:26.
Vhabebi vha fhedza tshifhinga na vhana vhavho. (Dot 6:6, 7) Vha vhudza vhana vhavho uri vha a vha funa. (Mat 3:17) Vha vha sumbedza uri vha a vha funa na u vha kaidza nga vhuṱali.—Ef 6:4.
Vhana vha hulisa na u thetshelesa vhabebi vhavho. (Mir 23:22) Vha a vhudza vhabebi vhavho zwine vha khou zwi humbula na nḓila ine vha khou ḓipfa ngayo. Vha a thetshelesa musi vha tshi kaidzwa nahone vha ṱhonifha vhabebi vhavho.—Mir 19:20.
ṰALELANI VIDIO INE YA RI: ITANI URI MUṰANI WAṊU HU VHE NA DAKALO, NGA MURAHU NI FHINDULE MBUDZISO I TEVHELAHO:
Muṅwe na muṅwe o shela hani mulenzhe kha u ita uri hu vhe na dakalo muṱani?
