VHUTSHILO HA MUKRISTE
U “Imelela Mafhungo Maḓifha Nga Lwa Mulayo”
Musi vhapikisi vha tshi lingedza u thivhela Vhaisiraele uri vha si fhaṱulule thembele, vhafhaṱi vho ita zwoṱhe zwine vha nga kona u itela uri vha tendelwe u fhaṱa nga lwa mulayo. (Ese 5:11-16) Na ṋamusi, Vhakriste vha ita zwoṱhe zwine vha nga kona uri vha imelele mafhungo maḓifha nga lwa mulayo. (Flp 1:7) U itela uri vha kone u ita zwenezwo, nga 1936 ho thomiwa Muhasho Wa Zwa Mulayo ngei ofisini khulwane dza Ṱhanzi dza Yehova. Ṋamusi, Muhasho Wa Zwa Mulayo ngei Ofisini Khulwane dza Ṱhanzi dza Yehova u dzudzanya u imelela mushumo une wa itwa nga Ṱhanzi dza Yehova shangoni ḽoṱhe. Wonoyu muhasho wo thusa hani kha mushumo wa u huwelela na u vhuyedza vhathu vha Mudzimu?
ṰALELANI VIDIO INE YA RI: U DALELA MUHASHO WA ZWA MULAYO U RE OFISINI KHULWANE DZA ṰHANZI DZA YEHOVA, NI KONE U FHINDULA MBUDZISO DZI TEVHELAHO:
-
Ndi thaidzo dzifhio dza zwa mulayo dze Ṱhanzi dza Yehova vha sedzana nadzo?
-
Ndi milandu ifhio ye ra i kunda? Ṋeani tsumbo
-
Roṱhe ri nga shela hani mulenzhe kha u “imelela mafhungo maḓifha nga lwa mulayo”?
-
Ndi ngafhi kha website yashu hune ra nga wana hone mafhungo a zwa mulayo ane a kwama vhathu vha Mudzimu na mutevhe wa Ṱhanzi dza Yehova vhe vha valelwa dzhele nga nṱhani ha lutendo lwavho?
