NDI NGANI ZWI ZWA NDEME: Pfunzo ya Bivhili ya muthu nga eṱhe i ri thusa “u pfesesa nga vhuḓalo zwine zwa vha vhuphara, vhulapfu, vhunṱha na vhudzivha” ha ngoho. (Ef 3:18) I dovha ya ri thusa uri ri dzule ri sa solei kha ḽino shango ḽivhi na u dzula ro “farelela ipfi ḽa vhutshilo.” (Flp 2:15, 16) Kha pfunzo ya Bivhili ya muthu nga eṱhe, ri a kone u khetha zwine ra ṱoḓa u guda zwone. Ri nga shumisa hani nga vhuṱali tshifhinga tshine ra tshi fhedza ri tshi khou vhala na u guda Bivhili?

NḒILA YA U ZWI ITA:

• Talelani ndimana na u ṅwala notsi kha Bivhili ine na i shumisa kha pfunzo ya muthu nga eṱhe hu sa londwi uri ndi yo gandiswaho kana ndi ya tshishumiswa tsha thekinolodzhi

• Ḓivhudziseni mbudziso dzi tevhelaho musi ni tshi vhala Ipfi ḽa Mudzimu: ‘Nnyi? Mini? Lini? Ngafhi? Ngani? Nga nḓila ḓe?’

• Wanani ngoho ya mafhungo. Ṱoḓani thero kana ndimana ya Bivhili ni tshi shumisa zwi shumiswa zwa u ita ṱhoḓisiso zwine zwa vha hone

• Elekanyani nga ha zwe na zwi vhala u itela u vhona uri zwi nga ni thusa hani

• Shumisani zwine na zwi vhala vhutshiloni haṋu ha ḓuvha ḽiṅwe na ḽiṅwe.—Luk 6:47, 48

ṰALELANI VIDIO KEEP “A TIGHT GRIP”—THROUGH EFFECTIVE PERSONAL STUDY, NAHONE NGA MURAHU NI FHINDULE MBUDZISO DZI TEVHELAHO:

• Vhaṅwe vho vhuelwa hani nga pfunzo ya muthu nga eṱhe?

• Ndi ngani ri tshi tea u rambela tshifhinga tshoṱhe musi ri sa athu thoma pfunzo ya muthu nga eṱhe?

• Ndi mini zwine zwa nga ri thusa u pfesesa ndimana ya Bivhili khwine?

• Ndi mini zwine ra fanela u zwi talela kha Bivhili ine ra i shumisa kha pfunzo ya muthu nga eṱhe?

• Ndi ngani u elekanya zwi zwa ndeme musi ri tshi khou guda Ipfi ḽa Mudzimu?

• Ndi mini zwine ra fanela u zwi ita nga zwe ra zwi guda?