Zwivhidzoni zwashu hu na vhahashu vho no fhedzaho miṅwaha minzhi vha tshi khou shumela Yehova. Hu na zwine ra nga zwi guda kha nḓila ye vha ḓitika ngayo nga Yehova. Ri nga vha vhudzisa nga zwo iteaho ndanguloni ya Yehova, thavha dze vha sedzana nadzo na nḓila ye Yehova a vha thusa ngayo u sedzana nadzo. Ri nga vha ramba kha Vhurabeli Ha Muṱa ra vha vhudzisa nga ha zwe vha zwi tshenzhela.

Arali no no fhedza miṅwaha minzhi ni tshi khou shumela Yehova, vhudzani vhaswa nga ha nḓila dze Yehova a ni thusa ngadzo. Yakobo na Yosefa vho vhudza vhana vhavho nga ha zwithu zwe Yehova a vha itela zwone. (Gen 48:21, 22; 50:24, 25) Nga murahu Yehova o vhudza ṱhoho dza miṱa uri dzi funze vhana vhadzo nga ha mishumo yawe i mangadzaho. (Dot 4:9, 10; Ps 78:4-7) Na ṋamusi, vhabebi na vhaṅwe tshivhidzoni vha nga vhudza vhaswa nga ha zwithu zwi mangadzaho zwe vha vhona Yehova a tshi zwi swikelela a tshi shumisa ndangulo yawe.

ṰALELANI VIDIO INE YA RI: U VHA NA VHUTHIHI NAHO MUSHUMO WASHU WO THIVHELWA, NGA MURAHU NI FHINDULE MBUDZISO DZI TEVHELAHO:

• Davhi ḽa Austria ḽo thusa hani vhahashu vha re kha mashango ane vha si tendelwe u shumela Yehova vho vhofholowa?

• Vhahashu vha re kha eneo mashango vho ita mini uri vha dzule vhe na lutendo lwo khwaṱhaho?

• Ndi ngani vhaṅwe vhahuweleli vha Romania vho ṱutshela ndangulo ya Yehova nahone zwo ḓa hani uri vha vhuyelele?

• Zwo iteaho khavho zwi ni thusa hani uri ni vhe na lutendo lwo khwaṱhaho?