LUPFUMO LWO TUMBULWAHO IPFINI ḼA MUDZIMU | YOBO 6-10
Yobo Munna A Fulufhedzeaho U Sumbedza U Ṱungufhala Hawe
Yobo o vha o no vha mushai, e eṱhe nahone a tshi khou lwala vhukuma, fhedzi o dzula a tshi fulufhedzea. Nga zwenezwo, Sathane o lingedza u mu kula nungo u itela uri a si tsha fulufhedzea. “Khonani” tharu dzi a swika. Musi vha tshi swika, vho ḓiita u nga vha a mu pfela vhuṱungu vhathu vhoṱhe vha tshi zwi vhona. Nga murahu vha dzula nae vho fhumula lwa maḓuvha a sumbe, a vho ngo vhuya vha amba na ipfi na ḽithihi ḽa u mu khuthadza. Nga murahu vha thoma u mu vhona mulandu.
Yobo o dzula a tshi fulufhedzea kha Yehova hu sa londwi mitsiko mihulwane
-
U pfesa vhuṱungu zwo ita uri Yobo a vhe na mavhonele o khakheaho. Zwenezwo zwo ita uri a phethe uri Mudzimu ha londi arali a tshi fulufhedzea kana a sa fulufhedzei
-
Nga nṱhani ha uri Yobo o vha o kulea nungo, ho ngo humbula uri hu na zwiṅwe zwiitisi zwa u shengela hawe
-
Naho o vha o ṱungufhala, o dzula a tshi amba na vhe vha vha vha tshi khou mu pomoka nga ha nḓila ine a funa ngayo Yehova
