Tshihumbudzo tshi ita uri ri kone u vhona phaṱhutshedzo dzine ra ḓo dzi wana tshifhingani tshi ḓaho nga nṱhani ha tshirengululi, dzi ngaho mvuwo. Yehova ho ngo sika vhathu uri vha fe. Ndi ngazwo ri tshi ṱungufhala vhukuma musi ri tshi felwa nga muthu ane ra mu funa. (1Ko 15:26) Yesu o ṱungufhala vhukuma musi a tshi vhona vhafunziwa vhawe vha tshi khou lilela uri Lazaro o fa. (Yoh 11:33-35) Samusi Yesu a tshi ita zwine Khotsi awe a ita zwone, ri nga vha na vhungoho ha uri Yehova u a ṱungufhala vhukuma musi ri tshi lila nge ra felwa nga vhane ra vha funa. (Yoh 14:7) Yehova o ṱulutshelwa tshifhinga tshine a ḓo vusa ngatsho vhashumeli vhawe nahone na riṋe ri fanela u lavhelela u vha vhona.—Yob 14:14, 15.

Samusi Yehova e Mudzimu o dzudzanyeaho, zwi tou vha khagala uri na mvuwo i ḓo vha yo dzudzanyea. (1Ko 14:33, 40) Nṱhani ha u vhulunga vhafu, ri ḓo vha ri tshi khou ṱanganedza vho vuswaho. Naa ni a elekanya nga ha mvuwo, zwihuluhulu musi no ṱungufhala? (2Ko 4:17, 18) Naa ni a livhuha Yehova nge a ri ṋea tshirengululi na u ri dzumbululela nga Maṅwalo uri vhafu vha ḓo vuwa?—Kol 3:15.

• Ndi dzifhio khonani dzaṋu na mashaka vhane na lavhelela nga maṱo matswuku u vha vhona vha tshi vuswa?

• Ndi nnyi o tshilaho tshifhingani tsha Bivhili ane na takalela u mu vhona na u amba nae?