Yeremia o rumiwa uri a sevhe Vhayuda nga ha ndozwo ye ya vha i tshi khou vha ḓela ngauri vho vha vho hangwa Yehova, Mudzimu wavho. (Yer 13:25) Zwo ḓa hani uri lwonolwu lushaka lu vhe kha honovhu vhuimo ha lwa muya vhu ṱungufhadzaho? Miṱa ya Vhaisiraele yo vha i si tsheena vhushaka na Mudzimu. Zwi tou vha khagala uri ṱhoho dza miṱa dzo vha dzi sa khou tevhela vhulivhisi ha Yehova vhu re kha Doiteronomio 6:5-7.

Miṱa yo khwaṱhaho muyani i ita uri na zwivhidzo zwi khwaṱhe. Ṱhoho dza miṱa dzi nga thusa miṱa yadzo u humbula Yehova nga u vha na Vhurabeli ha Muṱa vhu takadzaho misi yoṱhe. (Ps 22:27) Nga murahu ha u ṱalela vidio “These Words . . . Must Be on Your Heart”—Family Interviews, fhindulani mbudziso dzi tevhelaho:

• Miṅwe miṱa yo kona hani u vha na vhurabeli ha muṱa hu sa londwi khaedu dzine ya sedzana nadzo?

• Ndi dzifhio mbuyelo dza u vha na Vhurabeli ha Muṱa vhu takadzaho misi yoṱhe?

• Ndi khaedu dzifhio dzine nda vha nadzo musi zwi tshi ḓa kha vhurabeli ha muṱa, nahone ndo ḓiimisela u dzi kunda hani?