25:1-12

Naho Yesu o livhisa tshifanyiso tsha vhasidzana vha fumi kha vhatevheli vhawe vho ḓodzwaho, mulaedza u shuma kha Vhakriste vhoṱhe. (w15 3/15 9-14) “Ngauralo, dzulani no fhaṱuwa ngauri a ni ḓivhi ḓuvha na tshifhinga.” (Mat 25:13) Naa ni nga ṱalutshedza tshifanyiso tsha Yesu?

• Mukwasha (ndiman.1)—Yesu

• Vhasidzana vho ṱalifhaho, vho ḓilugiselaho (ndiman. 2)—Vhakriste vho ḓodzwaho vhe vha ḓilugisela u ita mushumo we vha ṋewa nga u fulufhedzea nahone vha penya sa tshedza u swika vhufheloni (Flp 2:15)

• Ha ṱavhiwa mukosi ha pfi: “Mukwasha o swika!” (ndiman. 6)—Vhuṱanzi ha u vha hone ha Yesu

• Vhasidzana vha matsilu (ndiman. 8)—Vhakriste vho ḓodzwaho vhane vha bva u itela u ṱanganedza muselwa fhedzi vha dzula vha songo fhaṱuwa nahone vha sa fulufhedzei

• Vhasidzana vho thanyaho vha hana u kovha mapfura avho (ndiman. 9)—Nga murahu ha u valiwa ha muṋango, zwi ḓo vha zwi si tsha konadzea uri vhaḓodzwa vha fulufhedzeaho vha thuse vhe vha si fulufhedzee

• “Mukwasha a swika” (ndiman. 10)—Yesu u ḓo ḓa u haṱula musi maṱungu mahulu a tsini na u fhela

• Vhasidzana vhe vha vha vho ḓilugisa vha dzhena nae munyanyani wa mbingano, vothi ḽa valiwa (ndiman. 10)—Yesu u kuvhanganyela vhaḓodzwa vha fulufhedzeaho ṱaḓulu, fhedzi vha sa fulufhedzei vha xelelwa nga ndugelo ya u ya ṱaḓulu