ZWI ITAHO URI ZWI VHE ZWA NDEME: Vhagudiswa musi vho lugiselela, vha a ṱavhanya u pfesesa na u humbula zwine ra khou vha gudisa zwone. Musi vha tshi pfesesa na u humbula zwe ra vha gudisa, zwi ḓo ita uri vha ṱavhanye u ita mvelaphanḓa. Na nga murahu ha ndovhedzo, vha ḓo tea u bvela phanḓa vha tshi lugiselela miṱangano na tsimu u itela uri vha ‘dzule vho fhaṱuwa.’ (Mat 25:13) Ngauralo, u ḓivha nḓila ya u guda na u vha na mbekanyo ya u ḓigudisa zwi ḓo vha vhuyedza vhutshiloni havho hoṱhe. Musi ri tshi thoma u guda navho, ri tea u vha thusa u ḓowela u lugiselela ngudo ya Bivhili.

NḒILA YA U ZWI ITA:

• Ivhani tsumbo yavhuḓi. (Rom 2:21) Lugiselelani ngudo iṅwe na iṅwe ni tshi humbula mugudiswa waṋu. (km 11/15 3) Itani uri a vhone bugu yaṋu yo taleliwaho

• Mu ṱuṱuwedzeni u lugiselela. Musi ngudo i tshi khou bvela phanḓa, mu vhudzeni uri u lugiselela ndi tshipiḓa tsha ndugiselelo ya ngudo ya Bivhili nahone ni mu ṱalutshedze mbuyelo dzazwo. Mu ṋeeni nyeletshedzo nga ha zwine a nga zwi ita u itela u shumisa tshifhinga tshine a vha natsho u lugiselela. Vhaṅwe vhagudisi vha ṋea bugu dzavho dzo taleliwaho vhagudiswa vhavho uri vha dzi shumise u itela uri vha kone u vhona ndeme ya u lugiselela. Mu khoḓeni musi o lugiselela

• Mu sumbedzeni nḓila ine a nga lugiselela ngayo. Musi ngudo i sa athu u thoma, vhaṅwe vhagudisi vha shumisa tshifhinga tsha u guda u itela u sumbedza vhagudiswa vhavho nḓila ya u lugiselela ngudo