Zwithu zwo fhambanaho zwa u funza zwi ita uri muthu ane a zwi sedza a vhe na dzangalelo nahone zwa mu thusa u pfesesa na u humbula zwe a guda. Zwo vha zwi tshi shumiswa nga Mugudisi washu Muhulwane, Yehova, u itela u gudisa ngudo dza ndeme. (Gen 15:5; Yer 18:1-6) Zwo dovha zwa shumiswa na nga Mufunzi Muhulwane, Yesu. (Mat 18:2-6; 22:19-21) Tshiṅwe tsha zwenezwo zwishumiswa tshine tsha vhonala tshi tshi vhuyedza vhukuma zwazwino ndi vidio. Naa ni khou shumisa vidio musi ni tshi gudisa vhagudiswa vhaṋu vha Bivhili?

Ho dzudzanywa vidio dza fumi u itela uri thusa u gudisa ngudo dzi re kha bugwana Mafhungo Maḓifha A Bvaho Ha Mudzimu! Tshiṱoho tsha vidio iṅwe na iṅwe tshi tshimbidzana na iṅwe ya mbudziso dzi re na maipfi o swifhadzwaho dzi re kha yeneyo bugwana. Bugwana i ne na i vhala kha jw.org i na linki ine ya ri humbudza uri ndi lini hune ra tea u ṱalela vidio iṅwe na iṅwe. Zwiṅwe hafhu, dziṅwe vidio dzi tshimbidzana na mafhungo a khandiso dzo fhambanaho dza u guda dzi re kha Bogisi Ḽashu Ḽa Zwishumiswa Zwa U Funza.

Naa ni khou haseledza tshiṱoho tsha Bivhili tshine mugudiswa waṋu wa Bivhili a sa tshi pfesese? Kana naa mugudiswa waṋu wa Bivhili u khou sedzana na vhuimo vhu konḓaho? Sedzani vidio dzi re kha jw.org® na JW Broadcasting® u itela u wana ine ya nga mu vhuyedza. Khamusi iṅwi na mugudiswa waṋu ni nga ṱalela nthihi yadzo nahone nga murahu na i haseledza.

Ṅwedzi muṅwe na muṅwe hu bviswa vidio ntswa. Musi ni tshi dzi ṱalela, humbulani nga ha uri ni nga dzi shumisa hani u gudisa vhaṅwe.