Ṅwaha muṅwe na muṅwe ri a ḓidina vhukuma u itela u ramba vhathu tsimuni yashu uri vha ḓe vha humbule lufu lwa Yesu na riṋe. Vhunzhi havho lu vha lu lwa u thoma ri tshi vha vhona. Ri tea u ramba na vhane ra vha ḓivha. Vhane vha rambiwa nga muthu ane vha mu ḓivha kanzhi vha nga ḓa. (yb08-E 11 ¶3; 14 ¶1) Ndi vhafhio vhane na nga vha ramba?

• Mashaka

• Vhane na shuma navho kana u dzhena navho tshikolo

• Vhahura

• Vhe na fhulufhedzisa u humela khavho, vhe na guda navho Bivhili kale kana vhane na khou guda navho

Zwiṅwe hafhu, vhahulwane vha tshivhidzo vha ḓo ramba vhathu vho fholaho. Ni nga ita mini arali muthu ane na mu ḓivha a sa dzuli hune na dzula hone? Wanani uri hune a dzula hone Tshihumbudzo tshi ḓo farwa ngafhi nahone nga tshifhinga-ḓe. Ni nga zwi ita nga u dzhena kha jw.org/ve mathomoni, na sedza nṱha ho ṅwalwaho uri NGA HA RIṊE, na puṱedza na nanga tshiteṅwa tshine tsha ri “Tshihumbudzo tsha Lufu lwa Yesu.” Humbulani nga ha vhane na nga vha ramba ṋaṅwaha musi ni tshi khou ḓilugiselela u humbula lufu lwa Yesu, ni vha rambe.