Yehova ndi “Mudzimu o takalaho,” u ṱoḓa uri ri ḓiphine nga u huwelela. (1Ti 1:11) Musi ri tshi lwela u khwinisa nḓila ine ra huwelela ngayo ri ḓo takala vhukuma. U vhudzisa mbudziso zwi ḓo ita uri muthu a vhe na dzangalelo nahone ndi nḓila yavhuḓi ya u thoma nyambedzano. Mbudziso dzi ita uri vhathu vha humbule. (Mat 22:41-45) Nga u thetshelesa musi ri tshi fhedza u vhudzisa mbudziso, ri vha ri tshi khou sumbedza muthu ane ra khou amba nae uri ri na ndavha nae. (Yak 1:19) Phindulo ya ane ra khou amba nae i nga ri thusa u ḓivha uri ri nga bvela hani phanḓa na nyambedzano.

ṰALELANI VIDIO INE YA RI: ḒIPHINENI NGA U ITA VHAFUNZIWA—KHWINISANI VHUTSILA HAṊU—U VHUDZISA MBUDZISO, NGA MURAHU NI FHINDULE MBUDZISO DZI TEVHELAHO:

• Naki o sumbedza hani uri u muthu wavhuḓi?

• Neeta o shumisa hani mbudziso u itela u sumbedza uri u na dzangalelo kha Naki?

• Neeta o shumisa hani mbudziso u itela uri Naki a vhe na dzangalelo kha mafhungo maḓifha?

• Neeta o shumisa hani mbudziso u itela u thusa Naki uri a humbule?