Zwo iteaho kha Vhaisiraele midavhini ya Moaba ndi tsevho kha Vhakriste. (1Krt 10:6, 8, 11) Vhaisiraele vhe vha thoma u konana na vhafumakadzi vha Moaba vhane vha ḓifara luvhi nga zwa vhudzekani na u gwadamela midzimu ya zwifanyiso, vho ungeledzwa vha ita zwivhi zwihulwane. Ho vha na masiandoitwa a si avhuḓi. (Num 25:9) Ro tangwa nga vhashumisani, vhane ra dzhena navho tshikolo, vhahura, mashaka na vhaṅwe vhathu vha sa gwadameli Yehova. Tshenetshi tshiitea tshi ri gudisa mini nga ha u konana na vhathu vha sa shumeli Yehova?

ṰALELANI TSHIPIḒA TSHA VIDIO INE YA RI: TSUMBO DZI SEVHAHO MISINI YASHU, NGA MURAHU NI FHINDULE MBUDZISO DZI TEVHELAHO:

• Simiri na vhaṅwe vho vha vha tshi dzhia hani Yamini?

• Finiasi o thusa hani Yamini?

• Ndi ifhio phambano kha u fara muthu zwavhuḓi na u vha khonani yawe?

• Ndi ngani ri tshi tea u vha na vhusedzi naho ri tshi khou khetha khonani tshivhidzoni?

• Ndi ngani ri tshi tea u iledza u davhidzana na zwigwada (group chat) zwa vhathu vhane ra sa vha ḓivhe kha social media?