Milingo i nga ri kula nungo, zwihuluhulu musi i tshi khou bvela phanḓa lwa tshifhinga tshilapfu. Davida o vha a tshi zwi ḓivha uri thaidzo yawe ye ya vha i tshi khou vhangwa nga Khosi Saulo i ḓo swika hune ya fhela na uri u ḓo vha khosi sa zwe Yehova a vha o fhulufhedzisa. (1Sa 16:13) Lutendo lwo thusa Davida uri a si fhele mbilu na uri a lindele Yehova.

Musi ri tshi khou sedzana na mulingo, ri nga shumisa maano, nḓivho kana vhukoni ha u humbula u itela uri vhuimo vhu vhe khwiṋe. (1Sa 21:12-14; Mir 1:4) Naho zwo ralo, dziṅwe thaidzo dzi nga bvela phanḓa naho ro lingedza u ita zwine ra nga kona u tendelana na vhulivhisi vhu bvaho Bivhilini. Kha vhuimo ho raloho, ri tea u sa fhela mbilu ri lindele Yehova. Hu si kale u ḓo fhelisa tshengelo yoṱhe na u “phumula miṱodzi yoṱhe” maṱoni ashu. (Nzu 21:4) Hu sa londwi uri thaidzo dzashu dzi ḓo fhela nge Yehova a dzhenelela kana dzi ḓo fhela nga iṅwe nḓila, zwine ra zwi ḓivha ndi uri milingo yoṱhe i ḓo fhela nga ḽiṅwe ḽa maḓuvha. U ḓivha zwenezwi zwi nga ri khuthadza.

ṰALELANI VIDIO INE YA RI: VHATHU VHA RE NA VHUTHIHI KHA SHANGO ḼO FHANDEKANAHO, NGA MURAHU NI FHINDULE MBUDZISO DZI TEVHELAHO:

• Ndi thaidzo dzifhio dze Vhakriste vha Amerika tshipembe vha ṱangana nadzo?

• Vho sumbedza hani u sa fhela mbilu na lufuno?

• Vho bvela hani phanḓa na u livhisa ṱhogomelo kha “zwine zwa vha zwa ndeme vhukuma”?—Flp 1:10