Yehova u ṱoḓa ri tshi mu shumela ri tshi ṱuṱuwedzwa nga lufuno. (Mat 22:37, 38) U funa Mudzimu ndi zwone zwine zwa ḓo ita uri vhagudiswa vha Bivhili vha ite tshanduko dzi ṱoḓeaho na uri vha ime vho khwaṱha musi vha tshi sedzana na milingo. (1Yo 5:3) Zwi ḓo dovha zwa vha ṱuṱuwedza uri vha lovhedzwe.

Thusani vhagudiswa vhaṋu vha Bivhili uri vha vhone uri Mudzimu u a vha funa. Vhudzisani mbudziso dzi ngaho sa: “Zwenezwi zwi ni gudisa mini nga ha Yehova? kana “Zwenezwi zwi sumbedza hani uri Mudzimu u a ni funa?” Vha thuseni u vhona uri Yehova u khou vha thusa hani. (2Krk 16:9) Vha vhudzeni nga ha nḓila ye Yehova a fhindula ngayo thabelo dzaṋu dzo livhaho nahone ni vha ṱuṱuwedze uri vha ṱhogomele nḓila ine Yehova a fhindula ngayo thabelo dzavho. Ri a takala vhukuma musi ri tshi ṱhogomela uri vhagudiswa vhashu vha a zwi vhona uri vha a funwa nga Yehova na uri vha a mu funa na u ṱoḓa u vha khonani dzawe.

ṰALELANI VIDIO INE YA RI: THUSANI VHAGUDISWA VHAṊU VHA BIVHILI U VHA KHONANI YA YEHOVA, NGA MURAHU NI FHINDULE MBUDZISO DZI TEVHELAHO:

• Naki o ṱangana na thaidzo ifhio?

• Neeta o thusa hani Naki?

• Naki o kunda hani thaidzo yawe?