Vhane vha tshila nga nḓila ine Yehova a ṱoḓa ndi vhone fhedzi vhane vha nga vha na vhushaka ha tsini nae. (1Pe 1:14-16) Musi vhagudiswa vha Bivhili vha tshi kunda nḓowelo mmbi, zwi a vha tshimbilela zwavhuḓi muṱani, u vha na mutakalo wavhuḓi na u vhulunga masheleni.

Vha bviseleni khagala uri Yehova u ṱoḓa vha tshi tshila nga nḓila yo kunaho na uri vha ḓo vhuyelwa nga u ita zwine a amba. Livhisani ṱhogomelo kha u thusa vhagudiswa vhaṋu uri vha shandule nḓila ine vha humbula ngayo, ndi hone vha tshi ḓo ita zwine Yehova a ṱoḓa. (Ef 4:22-24) Vha khwaṱhisedzeni uri nga thuso ya Yehova vha nga kona u litsha zwithu zwo khakheaho zwo no simaho midzi. (Flp 4:13) Vha gudiseni uri vha humbele thuso kha Yehova nga thabelo musi vha tshi pfa vha tshi khou lingea u ita tshivhi. Vha thuseni uri vha ṱhogomele na u iledza vhuimo vhune ha nga ita uri zwi vha lelutshele u ita zwo khakheaho. Vha ṱuṱuwedzeni uri vha ite zwithu zwine zwa vha vhuyedza nṱhani ha u ita zwithu zwo khakheaho. Ni ḓo takala musi ni tshi vhona vhagudiswa vha tshi ita tshanduko nga thuso ya Yehova.

ṰALELANI VIDIO INE YA RI: THUSANI VHAGUDISWA VHAṊU VHA BIVHILI U TSHILA NGA NḒILA YO KUNAHO, NGA MURAHU NI FHINDULE MBUDZISO DZI TEVHELAHO:

• Vhahulwane na Neeta vho sumbedza hani uri vha na fhulufhelo kha Naki?

• Neeta o bvela hani phanḓa na u thusa Naki?

• Naki o humbela hani thuso kha Yehova?