Khonani ndi muthu ane na vha tsini tsini nae, ane na mu funa na u mu ṱhonifha. Sa tsumbo, vhukonani ha Yonathani na Davida ho khwaṱha nga murahu ha musi Davida o vhulaya Goliata. (1Sa 18:1) Vhoṱhe vho vha vhe na zwithu zwe zwa ita uri vha ṱoḓe u vha khonani dza tsini. Uri ni vhe na vhukonani ho khwaṱhaho na muṅwe muthu, ni tea u ḓivhana zwavhuḓi. U ḓivha muṅwe muthu zwi ṱoḓa tshifhinga na vhuḓidini. Kha inthanethe zwo leluwa uri u wane khonani, fhedzi dzi vha dzi si dza vhukuma. Zwo leluwa uri muthu a dzumbe zwine a vha zwone nga uri kha inthanethe u a kona u ḓiita muthu ane wa si vhe ene. Nga zwenezwo ndi zwavhuḓi uri ri khethe vhathu vhane ra amba navho kha inthanethe nga vhuṱali. Ni songo ṱanganedza muṅwe na muṅwe kha inthanethe ni tshi shavha uri ni ḓo vha vhaisa mbilu. Vhaṅwe vho khetha u sa shumisa dzi-social network, vha tshi khou iledza khombo dzine dza nga vha hone. Arali na nga khetha u shumisa inthanethe, ndi mini zwine na tea u zwi ṱhogomela?

ṰALELANI VIDIO INE YA RI: NI THANYELE ZWA U DAVHIDZANA NGA INTHANETHE (SOCIAL-NETWORK), NGA MURAHU NI FHINDULE MBUDZISO DZI TEVHELAHO:

• Ndi mini zwine na tea u humbula ni sa athu ṅwala na u dzhenisa zwinepe kha inthanethe?

• Ndi ngani ni tshi tea u khetha khonani dzaṋu nga vhuṱali kha inthanethe?

• Ndi ngani ni tshi tea u vhea mikano kha tshifhinga tshine na tshi fhedza ni tshi khou davhidzana kha inthanethe? —Ef 5:15, 16