JW Library app ndi tshishumiswa tsha mahala tshine ngatsho na kona u downloada Bivhili, dziṅwe khandiso, dzividio na mbekanyamushumo dzi thetsheleswaho kha luṱingothendeleki, tablet kana khomphyutha yaṋu.

NḒILA YA U TSHI WANA: Iyani kha Inthanethe nahone ni dzhenise JW Library ine ya wanala kha app store. I wanala kha zwishumiswa zwa thekinolodzhi zwo fhamba-fhambanaho. Musi ni kha Inthanethe, ni vule yeneyi app nahone ni khethe zwine na ṱoḓa u zwi downloada kha tshishumiswa tshaṋu. Arali ni si na Inthanethe, khamusi ni nga shumisa Inthanethe ya Holoni ya Muvhuso, ya laiburari ya vhomuthumunzhi kana ya resiturenteni ine ya vha na Inthanethe. Musi no no downloada dzikhandiso kha tshishumiswa tshaṋu, a zwi ṱoḓei uri ni ye kha Inthanethe u itela u dzi vhala. Nga nṱhani ha uri JW Library i vusuluswa tshifhinga tshoṱhe, ni fanela u dzhena kha Inthanethe tshifhinga tshoṱhe nahone ni khwinise yeneyi app musi zwi tshi ṱoḓea.

NDI NGANI NI TSHI FANELA U VHA NATSHO? JW Library i ita uri zwi leluwe vhukuma u fara pfunzo ya muthu nga eṱhe na u tshimbidzana zwavhuḓi musi ni miṱanganoni ya tshivhidzo. I dovha ya thusa na vhuḓinḓani, zwihuluhulu musi ni tshi khou ṱanziela lu songo dzudzanywaho.