Musi ri tshi ita nyendo dza u vhuyelela kana ri tshi guda na vhagudiswa vhashu, ri tea u vha thusa uri vha pfesese mbuno khulwane. Ri nga kwama mbilu dzavho na u vha thusa uri vha humbule zwine ra khou vha gudisa nga u shumisa zwifanyiso u itela u ombedzela mbuno khulwane.

Musi ni tshi lugiselela lwendo lwa u vhuyelela kana u guda na mugudiswa waṋu, ni sedze mbuno khulwane dzine na nga shumisa zwifanyiso khadzo. Ni songo ṱoḓa u shumisa zwifanyiso kha mafhungo oṱhe oṱhe. Ni khethe zwifanyiso zwo leluwaho na zwo ḓoweleaho. (Mat 5:14-16; Mar 2:21; Luk 14:7-11) Ni humbule nga ha vhubvo ha vhathetshelesi vhaṋu na zwine vha ita. (Luk 5:2-11; Yoh 4:7-15) Musi ni tshi vhona ane na khou amba nae o takala nga nṱhani ha uri o pfesesa mbuno, na inwi ni ḓo takala.

ṰALELANI VIDIO INE YA RI: ḒIPHINENI NGA U ITA VHAFUNZIWA​—KHWINISANI VHUTSILA HAṊU—​U SHUMISA ZWIFANYISO U OMBEDZELA MBUNO KHULWANE, NGA MURAHU NI FHINDULE MBUDZISO DZI TEVHELAHO:

• Ndi ngani vhagudiswa vhashu vha tshi nga ṱoḓa thuso uri vha pfesese dziṅwe ndimana dza Bivhili?

• Neeta o shumisa tshifanyiso tshifhio u itela u bvisela khagala mbuno i re kha Vharoma 5:12?

• Zwifanyiso zwavhuḓi zwi nga kwama hani vhathetshelesi vhashu?

• Ndi ngani ri tshi tea u shumisa vidio na zwiṅwe zwishumiswa zwa u gudisa zwe ndangulo ya ri ṋea zwone musi ri tsimuni?