U kaidza zwi ambela kha u laya na u funza, fhedzi zwi nga dovha zwa katela u khakhulula na u ṱarafa. Yehova u a ri kaidza u itela uri ri mu shumele nga nḓila ine a i ṱanganedza. (Rom 12:1; Hev 12:10, 11) Naho nga zwiṅwe zwifhinga u kaidzwa zwi tshi vhavha, zwi nga ri vhuyedza. Zwi nga ita uri ri vhe vhathu vhavhuḓi na uri ri fhaṱutshedzwe. (Mir 10:7) Ndi zwifhio zwine vhane vha kaidza na vhane vha kaidzwa vha fanela u zwi humbula?

Ane a kaidza. Vhahulwane, vhabebi na vhaṅwe vha lingedza nga nḓila dzoṱhe uri vha sumbedze vhuthu na lufuno musi vha tshi kaidza, samusi Yehova a tshi ita nga u ralo. (Yer 46:28) Hu sa londwi uri muthu o ita mini, ha ngo tea u kaidzwa lwo kalulaho nahone ane a khou kaidza u tea u kaidza a tshi ṱuṱuwedzwa nga lufuno.—Tit 1:13.

Ane a kaidzwa. Ri tea u ṱanganedza ndayo na u i shumisa nga u ṱavhanya hu sa londwi nḓila ye ra kaidzwa ngayo. (Mir 3:11, 12) Sa vhathu vha songo fhelelaho, roṱhe ri a ṱoḓa u kaidzwa. Ri nga kaidzwa nga nḓila dzo fhambanaho, ri nga kaidzwa nga zwine ra zwi vhala Bivhilini kana zwe ra zwi pfa miṱanganoni. Nga zwiṅwe zwifhinga vhaṅwe vha nga kaidzwa nga komiti ya khaṱhulo. Arali ra ṱanganedza ndayo na u i shumisa, ri ḓo tshila vhutshilo havhuḓi na u wana vhutshilo vhu sa fheli.—Mir 10:17.

ṰALELANI VIDIO INE YA RI: “YEHOVA U LAYA ANE A MU FUNA,” NGA MURAHU NI FHINDULE MBUDZISO DZI TEVHELAHO:

• Vhutshilo ha Vho-Canon ho vha hu hani mathomoni nahone ho shanduka hani?

• Yehova o kaidza hani Vho-Canon nga vhuthu?

• Ri guda mini kha zwo iteaho kha Vho-Canon?