Ro lavhelela uri zwithu zwi tou ṋaṋa u konḓa samusi ri tshi khou tshila magumoni a ‘maḓuvha a vhufhelo.’ (2Ti 3:1, sedzani study note ya Mat 24:8 “u ranga ha maṱungu” kha nwtsty) Musi hu tshi vha na khombo, kanzhi vhathu vha Yehova vha wana vhulivhisi ho teaho vhune ha vha tshidza. Ri nga ponyoka nga tshifhinga tsha khombo arali ra thetshelesa musi ri tshi vhudzwa uri ri ḓilugiselele hu tshee zwino.—Luk 16:10.

• Ḓilugiseleleni nga u khwaṱhisa lutendo lwaṋu: Bvelani phanḓa na u guda Bivhili. Gudani nḓila dzo fhambananaho dza u huwelela. Arali na ḓiwana ni kule na vhathu vha tshivhidzoni tshaṋu, ni songo tshuwa kana u ḓaḓa. (Yes 30:15) A hu na tshine tsha nga ita uri ni vhe kule na Yehova na Yesu.—od-E 176 ¶15-17

• Dzulani no lugisa zwithu zwine zwa ṱoḓea: A no ngo tea u lugiselela bege ya zwithu zwine na ḓo zwi ṱoḓa nga tshifhinga tsha shishi fhedzi. Muṱa muṅwe na muṅwe u tea u vha na zwithu zwa ndeme zwo vhetshelwaho thungo. Zwithu zwi ngaho sa zwiḽiwa, maḓi, mishonga na zwiṅwe u itela u zwi shumisa arali zwa nga ṱoḓea uri ni dzule hune na vha hone ni sa bvi lwa tshifhinganyana.—Mir 22:3; g17.5-E 4, 6

ṰALELANI VIDIO INE YA RI: NAA NO LUGELA KHOMBO DZA MUPO? NGA MURAHU NI FHINDULE MBUDZISO DZI TEVHELAHO:

• Ri nga ḓilugiselela hani khombo dza mupo nga u khwaṱhisa lutendo lwashu?

• Ndi ngani ri tshi . . . 

  • tea u ḓiḓowedza u amba na vhahulwane?

  • tea u lugiselela bege ya zwiimo zwa shishi?

  • tea u amba nga ha khombo dzine dza nga vha hone na zwine ra nga zwi ita kha zwenezwo zwiimo?

• Ndi zwithu zwifhio zwiraru zwine ra nga zwi ita u itela u thusa vhaṅwe musi vho welwa nga khombo?

ḒIVHUDZISENI URI, ‘Corona yo ngudisa mini nga ha u dzula ndo ḓilugiselela zwiimo zwa shishi?’