Sa vhathu vha songo fhelelaho, ri tea u dzula ri tshi langa nyemulo dzashu. Arali ra tenda dzi tshi ri langa, zwi nga ita uri Yehova a si tsha ri takalela. Sa tsumbo, vhaṅwe vha funa zwiḽiwa, zwiambaro na nnḓu dzavho u fhira Mudzimu. Vhaṅwe vha fusha nyemulo dza u ita zwa vhudzekani vha si na ndavha uri mulayo wa Mudzimu u ri mini. (Rom 1:26, 27) Vhaṅwe vha ita zwo khakheaho u itela u takalelwa nga thangana dzavho.—Ek 23:2.

Ri nga langa hani nyemulo dzashu? Ri tea u ita zwoṱhe zwine ra nga kona u itela u takadza Yehova. (Mat 4:4) Zwiṅwe hafhu, ri tea u humbela Yehova uri a ri thuse u langa nyemulo dzashu. Ndi ngani? Ndi ngauri u a ḓivha zwo ri teaho na uri a nga fusha hani lutamo lwashu.—Ps 145:16.

ṰALELANI VIDIO INE YA RI: NI SONGO TSHINYA VHUTSHILO HAṊU NGA FOLA, NGA MURAHU NI FHINDULE MBUDZISO DZI TEVHELAHO:

• Ndi ngani vhaṅwe vhathu vha tshi daha?

• Masiandoitwa a u daha ndi afhio?

• Ndi ngani u daha nga nḓila naho i ifhio zwo khakhea?—2Krt 7:1

• Ni nga hana hani u daha kana u litsha u daha?