Vhagudiswa vha Bivhili vha tea u vha na lutendo lwo khwaṱhaho u itela u takadza Mudzimu. (Hev 11:6) Ri nga vha thusa u ita zwenezwi ri tshi shumisa bugu Ḓiphiṋeni Nga Vhutshilo Lwa Tshoṱhe! Yeneyi bugu i na maṅwalo a ndeme, i a pfala, i na mbudziso dzi itaho uri muthu a humbule, vidio dzi ṱuṱuwedzaho na zwinepe zwavhuḓi. Ri vha ri tshi khou fhaṱa nga zwithu zwi sa swi musi ri tshi thusa vhagudiswa uri vha vhe nga nḓila ine Mukriste a tea u vha ngayo na u vha na vhushaka na Yehova.—1Krt 3:12-15.

Vhaṅwe zwi a vha konḓela u dzhia Mudzimu sa khonani ngauri a vha koni u mu vhona. Nga zwenezwo, ri tea u vha thusa uri vha ḓivhe Yehova na u mu fhulufhela.

ṰALELANI VIDIO INE YA RI: KHWAṰHISANI LUTENDO KHA YEHOVA, NI TSHI SHUMISA “ḒIPHIṊENI NGA VHUTSHILO LWA TSHOṰHE!” NGA MURAHU NI FHINDULE MBUDZISO DZI TEVHELAHO:

• Ri zwi ḓivha hani uri wahashu o lugiselela zwavhuḓi?

• O shumisa hani mbudziso dzi si ho kha bugu u itela u thusa mugudiswa wawe uri a ambe zwine a khou humbula na nḓila ine a ḓipfa ngayo nga ha Yesaya 41:10, 13?

• Vidio na vese dza Bivhili zwo kwama hani mugudiswa?

Vhathu vhanzhi a vha pfesesi tshirengululi kana u tshi dzhia tshi tshifhiwa tshe vha ṋewa tshone nga Yehova. (Gal 2:20) Nga zwenezwo, ri tea u vha thusa uri vha khwaṱhise lutendo kha tshirengululi tsha Yesu.

ṰALELANI VIDIO INE YA RI: KHWAṰHISANI LUTENDO KHA YESU, NI TSHI SHUMISA “ḒIPHIṊENI NGA VHUTSHILO LWA TSHOṰHE!” NGA MURAHU NI FHINDULE MBUDZISO DZI TEVHELAHO:

• Ri zwi ḓivha hani uri wahashu o lugiselela zwavhuḓi?

• O shumisa hani zwi re kha “Wanani zwo engedzeaho” u itela u thusa mugudiswa?

• Ndi ngani zwi zwa ndeme u rabelela mugudiswa?