Sa izwi vhufhelo ha shango ho sendela, ro lavhelela uri zwithu zwi ngaho dzikhakhathi, vhutherorisi na dzinndwa zwi ṋaṋe vhukuma. (Nzu 6:4) Ri nga dzula ro ḓilugiselela hani khaedu dza tshifhinga tshi ḓaho?

• Lwelani u dzula ni tshi fhulufhedzea: Gudani nga ha vhulivhisi na zwiitea zwi re Bivhilini zwine zwa ni thusa uri ni fhulufhele Yehova na ndangulo yawe na u ni thusa uri ni dzule ni sa dzhii sia. (Mir 12:5; jr ndim. 10 ¶23-24) Zwino ndi tshifhinga tsha uri ni khwaṱhise vhukonani vhune na vha naho na vhahaṋu tshivhidzoni.—1Pe 4:7, 8

• Ivhani na zwoṱhe zwine zwa ṱoḓea u itela u tshila: Ivhani na fhethu hune na nga khuda hone na u vha na zwiḽiwa zwo eḓanaho, mishonga na zwiṅwe zwine zwa nga ṱoḓea. Ḓivhani zwine na tea u ita arali ni tshi fanela u shavha hayani. Sedzulusani zwine zwa vha nga ngomu ha bege yaṋu ya vhuimo ha shishi nahone ni dzhenise tshelede na zwithu zwa u ni tsireledza zwi ngaho sa magilavu, dzimask na zwiṅwe vho. Ḓivhani uri ni nga kwama hani vhahulwane nahone ni ite vhungoho ha uri vha a ḓivha uri vha nga ni kwama hani.—Yes 32:2; g17.5-E 3-7

Nga tshifhinga tsha nndwa ya vhadzulapo: Bvelani phanḓa ni tshi gwadamela Yehova nga nḓila ine na khou mu gwadamela ngayo zwino, u fana na u rabela, u guda Bivhili na u ya miṱanganoni. (Flp 1:10) Iledzani u tshimbila tshimbila nga nnḓa ha musi zwi tshi ṱoḓea. (Mat 10:16) Ni kovhele vhaṅwe zwiḽiwa na zwiṅwe vho.—Rom 12:13

ṰALELANI VIDIO INE YA RI: NAA NO LUGELA KHOMBO? NGA MURAHU NI FHINDULE MBUDZISO DZI TEVHELAHO:

• Yehova a nga ri thusa hani musi hu tshi vha na khombo?

• Ndi mini zwine ra tea u zwi ita uri ri dzule ro lugela?

• Ri nga thusa hani vhaṅwe vho welwaho nga khombo?