Musi Yesu a tshi huwelela, o vha a tshi amba nga ha zwithu zwine zwa khou itea nga tshenetsho tshifhinga. (Luk 13:1-5) Na inwi ni nga ita zwi fanaho u itela u vusa dzangalelo ḽa vhane na khou huwelela khavho. Ni nga amba nga ha u ḓura a zwithu, khombo dza mupo, khakhathi dza vhadzulapo, u shumisa luvhi zwidzidzivhadzi kana zwiṅwe zwi fanaho na zwenezwo. Nga murahu ni nga vhudzisa mbudziso ine ya ita uri vhathu vha humbule. Ni nga kha ḓivhudzisa uri: “Naa ni vhona u nga zwi ḓo vhuya zwa fhela?” kana “Ni vhona u nga yeneyi thaidzo i nga tandululwa hani?” Mu vhaleleni luṅwalo lune lwa tshimbidzana na zwine na khou amba nga hazwo. Arali a sumbedza dzangalelo, mu sumbedzeni vidio kana ni mu ṋee iṅwe ya khandiso dzi re kha Bogisi Ḽashu Ḽa Zwishumiswa Zwa U Funza. Musi ri tshi khou lwela u kwama mbilu dza vhathu vhane ra huwelela khavho, kha ri ‘ite zwoṱhe ri tshi itela mafhungo maḓifha.’—1Krt 9:22, 23.

Ndi mini zwine zwa nga kwama vhathu vha tsimuni yaṋu?