“Yehova u takalela vhathu vhawe.” (Ps 149:4) Naho ri na tshivhi, u a vhona zwithu zwavhuḓi kha riṋe na zwine ra nga kona u zwi ita tshifhingani tshi ḓaho. Nga tshiṅwe tshifhinga zwi nga ri konḓela u vhona zwithu zwavhuḓi kha riṋe vhaṋe. Ri nga ḓipfa ri si vha ndeme nga nṱhani ha nḓila ine vhaṅwe vha ri fara ngayo. Kana arali ra livhisa ṱhogomelo kha vhukhakhi he ra vhuya ra vhu ita tshifhingani tsho fhiraho ri nga timatima uri Yehova u a ri funa zwa vhukuma. Ri nga thuswa nga mini musi ri tshi ḓipfa nga yeneyi nḓila?

Humbulani uri Yehova u vhona zwine vhathu vha si kone u zwi vhona. (1Sa 16:7) Zwenezwi zwi amba uri u kona u vhona na zwine riṋe ra si kone u zwi vhona kha riṋe vhaṋe. Zwi takadzaho ndi uri Bivhili i ya ri thusa u pfesesa nḓila ine Yehova a ri vhona ngayo. Ri nga kona u pfesesa zwenezwi musi ri tshi vhala vese dza Bivhili na zwiitea zwine zwa sumbedza nḓila ine Yehova a funa ngayo vhashumeli vhawe.

ṰALELANI VIDIO INE YA RI: LUVHELELANI MBILU YAṊU URI I TENDE URI YEHOVA U A NI FUNA, NGA MURAHU NI FHINDULE MBUDZISO DZI TEVHELAHO:

• Ri guda mini nga ha nḓila ine Yehova a ri vhona ngayo kha tshifanyiso tsha mugidimi na khotsi awe?

  Your answer

• Arali muthu o itaho tshivhi tshihulwane a dzhia vhukando ha u lugisa vhushaka hawe na Yehova, a nga vha hani na vhungoho ha uri Mudzimu u a mu funa?—1Yo 3:19, 20

  Your answer

• Wahashu o vhuyelwa hani nga u vhala na u elekanya nga ha zwe zwa itea kha Davida na Yehoshafati?

  Your answer