Bivhili yo rekhodiwaho ndi mini? Ndi Bivhili yo rekhodiwaho ya Ṱhalutshedzelo ya Shango Ḽiswa. I khou rekhodiwa nga zwiṱuku nga zwiṱuku nga nyambo nnzhi. Zwine zwa takadza nga Bivhili yo rekhodiwaho ndi uri i shumisa maipfi o fhambanaho kha mubvumbedzwa muṅwe na muṅwe wa Bivhili. Vha i vhala vha tshi khou ombedzela ho teaho, vha dovha vha dzhenisa na maḓipfele u itela uri ri kone u pfesesa mulaedza wa Bivhili.

Vhaṅwe vha khou vhuyelwa hani nga Bivhili yo rekhodiwaho? Vhunzhi ha vhathu vhane vha thetshelesa Bivhili yo rekhodiwaho tshifhinga tshoṱhe, vha amba uri ita uri vha pfesese Bivhili khwine. Vha dovha vha amba uri u pfa vhavhali vho fhambanaho, zwi ita uri vha vhone zwiitea zwa Bivhili nga iṱo ḽa muhumbulo na u pfesesa khwine zwo ṅwaliwaho. (Mir 4:5) Vhaṅwe vha amba uri musi vhe na mbilaelo, u thetshelesa Bivhili yo rekhodiwaho zwi ita uri vha ḓipfe vha khwine.—Ps 94:19.

U pfa Ipfi ḽa Mudzimu ḽi tshi vhalelwa nṱha, zwi nga ri kwama nga nḓila khulwane. (2Krk 34:19-21) Naa ni nga ḓiitela tshipikwa tsha u thetshelesa Bivhili yo rekhodiwaho, arali i hone nga luambo lune na lu pfesesa?

ṰALELANI VIDIO INE YA RI: U BVELEDZA BIVHILI YO REKHODIWAHO—TSHIPIḒA, NGA MURAHU NI FHINDULE MBUDZISO I TEVHELAHO:

Ndi mini zwine zwa ni takadza nga nḓila ye Bivhili yo rekhodiwaho ya bveledzwa ngayo?