VHUTSHILO HA MUKRISTE

Naa No Ḓilugiselela Zwiimo Zwi Konḓaho Zwa Ikonomi?

TAMBANI

A zwi ri mangadzi u vhona zwiitea zwa ḽifhasi zwi tshi ita uri ikonomi i thengathenge. Ndi ngani? Ndi ngauri ri khou tshila maḓuvhani a vhufhelo nahone Bivhili yo dzula yo ri sevha uri ri songo fhulufhela “lupfumo lwa tshifhinganyana.” (1Ti 6:17; 2Ti 3:1) Tsumbo ya Khosi Yehoshafati i nga ri gudisa mini nga ha u dzula ro lugela zwiimo zwi konḓaho zwa ikonomi?

Musi Yehoshafati a tshi shushedzwa nga maswina, o fhulufhela Yehova. (2Krk 20:9-12) O dzhia vhukando ha u lugiselela lushaka hu tshee na tshifhinga nga u fhaṱa miḓi yo tsireledzwaho nga mbondo na u vhea maswole. (2Krk 17:1, 2, 12, 13) U fana na Yehoshafati, ri tea u fhulufhela Yehova na u dzula ro ḓilugiselela zwifhinga zwi konḓaho.

RI NGA ITA MINI URI RI ḒILUGISELELE ZWIIMO ZWI KONḒAHO ZWA IKONOMI?

Khwaṱhisani vhushaka haṋu na Yehova: Dzulani ni tshi livhuwa zwine na vha nazwo, nahone ni fhulufhele uri Yehova a nga kona u ni ṋea zwine na shaya. (Mat 6:26; 1Ti 6:8) Ni songo litsha u tevhela vhulivhisi vhu re Bivhilini ni tshi itela u fusha zwishaiwa zwaṋu. (Rom 2:21) Dzudzanyani uri ni nga bvela hani phanḓa ni tshi vhala Bivhili na khandiso arali hu si na muḓagasi kana inthanethe yo thithisea. Dzulani ni na khandiso dzi si gathi dzo gandiswaho nahone arali zwi tshi konadzea ni downloude khandiso hu tshee na tshifhinga.

Lugiselelani zwithu zwa u ḓitshidza: Musi thaidzo dza ikonomi dzi sa athu itea, fhungudzani zwikolodo na u sa renga zwithu zwi sa ṱoḓei. (Mir 22:7) Arali zwi tshi konadzea vhulungani zwiḽiwa zwo linganelaho na zwiṅwe zwithu zwine na nga zwi ṱoḓa. Vhaṅwe vha nga ita na u ṱavha miroho u itela uri vha vhulunge tshelede.

ṰALELANI VIDIO INE YA RI: NAA NO LUGELA KHOMBO? NGA MURAHU NI FHINDULE MBUDZISO DZI TEVHELAHO:

Ndi mini zwine ra nga ita uri ri ḓilugiselele tshifhinga tsha khombo?

Your answer

Ri nga ḓilugiselela hani uri ri thuse vhaṅwe?

Your answer

TSHIBUGWANA TSHA MUṰANGANO WA VHUTSHILO NA VHUḒINḒA