Bugu Teach Us na bugu Bivhili I Funza Mini dzi a fana. Zwenezwi zwishumiswa zwivhili zwi bvaho kha bogisi ḽashu ḽa zwishumiswa zwa funza, zwi amba nga ngoho i fanaho nahone yo tevhekanyiswa nga nḓila i fanaho. Naho zwo ralo, bugu Teach Us i ṱalusa mafhungo nga nḓila i leluwaho na i pfeseseaho. Yo ṅwalelwa vhane vha nga wana zwi tshi vha konḓela u pfesesa bugu Bivhili I Funza Mini. Bugu Teach Us a i na ṱhumetshedzo, nṱhani hazwo, i na notsi magumoni a bugu dzine dza ṱalutshedza nga nḓila i leluwaho maṅwe a maipfi na maṅwe mafhungo a wanalaho kha dziphara. Ndima a dzi na mbudziso dza marangaphanḓa kana bogisi ḽa u vusulusa. Nṱhani hazwo, magumoni a ndima hu na manweledzo a ngoho ya Bivhili ye ya ṱalutshedzwa kha dziphara. Bugu Teach Us i nga tshimbidzwa tshifhinga tshiṅwe na tshiṅwe nga nḓila ine zwa itwa ngayo nga bugu Bivhili I Funza Mini, naho hu sa khou tshimbidzwa yone wonoyo ṅwedzi. Ri nga shumisa hani zwiṅwe zwiteṅwa zwi re kha bugu Teach Us musi ro fara pfunzo ya Bivhili?

MANWELEDZO: Vhunzhi ha vhathu vho ḓowela u vhala phara nahone nga murahu vha vhudzisa mbudziso musi vha tshi guda na muthu bugu Bivhili I Funza Mini. Naho zwo ralo, kha ri ri mugudiswa ho ngo ḓowela luambo lwa bugu ine ya khou shumiswa kana ha koni u vhala zwavhuḓi. Arali zwo ralo, ni nga kha ḓi shumisa bugu Teach Us. Nga zwenezwo, ni nga shumisa manweledzo a ndima u fara pfunzo nahone mugudiswa a nga ṱuṱuwedzwa uri a ḓivhalele dziphara nga tshifhinga tshawe. Kanzhi ngoho iṅwe na iṅwe ya Bivhili i nga gudwa nga mimunithi ya 15. Samusi manweledzo a si na zwidodombedzwa zwine zwa wanala kha phara, mugudisi u tea u lugiselela zwavhuḓi, a tshi humbula nga ha zwishaiwa zwa mugudiswa. Arali mugudisi a tshi shumisa phara u fara pfunzo, manweledzo a nga shumiswa sa mvusuluso.

NOTSI DZA U FHEDZISELA: Maipfi na mafhungo kha notsi dza u fhedzisela zwo tevhekanyiswa nga nḓila ye zwa ṅwalwa ngayo kha phara. Mufari wa pfunzo a nga kha ḓi haseledza notsi dza u fhedzisela musi o fara pfunzo nga bugu Teach Us.