U TSHILA SA VHAKRISTE
Vhaswa—Ni Songo Lenga U Dzhena Nga “Muṋango Muhulu”
Zwi nga kha ḓi leluwa u humbula uri maḓuvha a vhuswa hashu a ḓo bvela phanḓa nga hu sa fheli nahone ri nga si vhuye ra tshenzhela “misi mivhi” ine ya tshimbidzana na vhulala kha ḽino shango ḽa Sathane. (Muh 12:1) Arali ni muswa, naa ni nga ḓivhudza uri ni na tshifhinga tshinzhi tsha u tovhola zwipikwa zwa muya, zwi ngaho vhuḓinḓa ha tshifhinga tsho ḓalaho?
“Zwiitea zwi songo lavhelelwaho” zwi wela roṱhe, u katela na vhaswa. (Muh 9:11, NW) ‘A ni ḓivhi uri hu ḓo itea mini kha inwi matshelo.’ (Yak 4:14) Nga zwenezwo, ni songo ima-ima musi zwi tshi ḓa kha u tovhola zwithu zwa muya. Dzhenani nga “muṋango muhulu u isaho tshumeloni” musi u tshe wo ni vuletshela. (1Ko 16:9) A ni nga ḓisoli.
Zwiṅwe zwipikwa zwa muya:
-
U huwelela nga luṅwe luambo
-
Tshumelo ya vhuvulanḓila
-
U ya zwikoloni zwa lwa ṱaḓulu
-
Tshumelo ya u fhaṱa
-
Tshumelo ya Bethele
-
Mushumo wa ḽiisela