8:6-9, 12; 9:1-5, 23, 24

Musi hu tshi vhewa vhotshifhe vha lushaka lwa Aroni, Yehova o ita uri mulilo u fhise tshifhiwa tsha u fhiswa. Zwenezwi zwo sumbedza uri Yehova u khou tikedza na u takalela yeneyi ndugiselelo. Nga u ita zwenezwo, Yehova o ṱuṱuwedza Vhaisiraele vhe vha vha vhe henefho uri vha tikedze vhotshifhe. Yehova o ṋea Yesu Kristo vhugala. Ndi ene ane a khou mu shumisa sa Tshifhe Muhulu ṋamusi. (Hev 9:11, 12) Nga 1919, Yesu o nanga tshigwada tsha vhanna vho ḓodzwaho uri vha vhe “mulanda a fhulufhedzeaho na wa vhuṱali.” (Mat 24:45) Ndi mini zwine zwa sumbedza uri mulanda a fhulufhedzeaho u khou fhaṱutshedzwa, u tikedzwa na u takalelwa nga Yehova?

• Hu sa londwi u tovholwa, mulanda a fhulufhedzeaho u khou bvela phanḓa a tshi ri ṋea zwithu zwine zwa ita uri ri dzule ri na lutendo

• Mafhungo maḓifha a khou ḓivhadzwa “lifhasini ḽoṱhe” samusi Bivhili yo amba.—Mat 24:14

Ri nga tikedza hani mulanda a fhulufhedzeaho na wa vhuṱali?