Ndi Yehova ane a ita uri ngoho i mele na uri i hule mbiluni ya muthu. (1Krt 3:6-9) Nga zwenezwo, arali ri tshi ṱoḓa u vha na mvelele dzavhuḓi tsimuni, ri fanela u humbela uri Yehova a ri thuse na u thusa vhagudiswa vhashu vha Bivhili.

Humbelani Yehova uri a thuse vhagudiswa vhaṋu uri vha konḓelele na u kunda thaidzo dzine vha sedzana nadzo. (Flp 1:9, 10) Ambani nga ho livhaho. Humbelani muya mukhethwa uri u ni thuse ni humbule na u ita zwithu zwine zwa nga thusa mugudiswa waṋu. (Luk 11:13) Gudisani vhagudiswa vhaṋu u rabela na u vha ṱuṱuwedza uri vha dzule vha tshi zwi ita. Rabelani navho na u rabela nga havho nahone ni vha ambe nga madzina musi ni tshi rabela.

ṰALELANI VIDIO INE YA RI: ḒIPHIṊENI NGA U ITA VHAFUNZIWA—ṰANGANEDZANI THUSO YA YEHOVA—THABELO, NGA MURAHU NI FHINDULE MBUDZISO DZI TEVHELAHO:

• Neeta o sedzana na thaidzo ifhio musi a tshi khou guda na Naki?

• 1 Vhakorinta 3:6 yo thusa hani Neeta?

• Thaidzo ya Neeta yo tandululwa hani?