VHUTSHILO HA MUKRISTE
Ndi Nga Shela Hani Mulenzhe Kha U Ita Uri Ri Dzule Ri Na Bvumo Ḽavhuḓi?
Vhathu vha a ṱhogomela nḓila ine Ṱhanzi dza Yehova vha ḓifara ngayo. (1Krt 4:9) Ri nga ḓivhudzisa uri: ‘Naa zwine nda amba na zwine nda ita zwi hulisa Yehova?’ (1Pe 2:12) A ri ṱoḓi u ita tshithu na tshithihi tshine tsha ḓo tshinya bvumo ḽavhuḓi ḽe Ṱhanzi dza Yehova vha vha naḽo lwa miṅwaha minzhi u swika zwino.—Muh 10:1.
Kha vhuimo vhu tevhelaho, ṅwalani zwine Mukriste a fanela u zwi ita na vhulivhisi vhu bvaho Bivhilini vhune ha nga thusa:
-
Musi muṅwe muthu a sa shumeli Yehova a tshi ni sasaladza o sinyuwa
-
Musi zwiambaro zwaṋu, goloi kana hayani haṋu hu songo kuna
-
Musi hune na dzula hone ho vhewa mulayo une wa vhonala u sa pfali kana une wa konḓa u u tevhedza
Vhaṱoḓisisi vha Muhasho wa u Ṅwala vha shela hani mulenzhe kha u ita uri ri dzule ri na bvumo ḽavhuḓi?
ṰALELANI VIDIO INE YA RI: U SUMBEDZA U FUNA NA U ṰHONIFHA NGOHO, NGA MURAHU NI FHINDULE MBUDZISO I TEVHELAHO:
Ndi mini zwine zwa ni takadza nga ha vhuḓidini vhune ndangulo ya vhu ita u itela u bveledza mafhungo o teaho ane ra nga a fhulufhela?