Ni lavhelela uri khonani yaṋu i vhe muthu wa hani? Khamusi ni ṱoḓa a tshi fhulufhedzea, u vha na vhuthu na mafunda. Yeneyo ndi nḓila ine Yehova a vha ngayo. (Ek 34:6; Mis 14:17) U a thetshelesa musi ni tshi rabela. U a ni thusa musi ni tshi ṱoḓa thuso. (Ps 18:19, 35) U a ni hangwela musi ni tshi khakha. (1Yo 1:9) A hu na Khonani ine ya nga vhambedzwa na Yehova.

Ni nga ita mini uri ni vhe khonani ya Yehova? Ni nga guda nga hae nga u vhala Ipfi ḽawe Bivhili. Ni nga mu vhudza zwi re mbiluni yaṋu. (Ps 62:8; 142:2) Sumbedzani uri ni dzhiela nṱha zwithu zwine zwa vha zwa ndeme kha Yehova. Sa tsumbo, dzhielani nṱha Murwa wawe, Muvhuso wawe na zwe a zwi fhulufhedzisa nahone ni vhudze vhaṅwe nga hae. (Dot 32:3) Arali na vha khonani ya Yehova, u ḓo dzula e khonani yaṋu.—Ps 73:25, 26, 28.

ṰALELANI VIDIO INE YA RI: VHASWA, “THETSHELANI NI VHONE URI YEHOVA NDI WAVHUḒI,” NGA MURAHU NI FHINDULE MBUDZISO DZI TEVHELAHO:

• Ni nga ita mini uri ni ḓiṋekedzele kha Yehova na u lovhedzwa?

• Vhaṅwe tshivhidzoni vha nga ni thusa hani u shumela Yehova?

• U huwelela zwi ni thusa hani uri ni vhe na vhushaka ho khwaṱhaho na Yehova?

• Ndi vhuḓifhinduleli vhufhio vhune na nga vha naho tshumeloni ya Yehova?

• Ndi mini tshine na tshi funa nga ha Yehova?