U Ambesa: Ni songo lwela u bula mafhungo oṱhe. Yesu o shumisa mbudziso u itela u thusa vhathu uri vha humbule, zwenezwo zwa ita uri vha pfesese mafhungo. (Mat 17:24-27) U shumisa mbudziso zwi ita uri pfunzo i takadze nahone zwi ni thusa u ṱhogomela arali mugudiswa a tshi khou tenda na u pfesesa. (be 253 ¶3-4) Vhudzisani nahone ni lindele phindulo ni sa fheli mbilu. Arali mugudiswa a ṋea phindulo i si yone, ni songo mu ṋea phindulo yo teaho, mu thuseni u wana phindulo nga u shumisa mbudziso dzo engedzeaho. (be 238 ¶1-2) Ambani nga nḓila ine mugudiswa a ḓo kona u pfesesa.—be 230 ¶4.

Ni Songo Ita Uri Mafhungo A Serekane: Iledzani u lingedza u amba mafhungo oṱhe ane na a ḓivha. (Yoh 16:12) Livhisani ṱhogomelo kha mbuno dza ndeme. (be 226 ¶4-5) Mafhungo manzhi naho a tshi takadza, a nga xedza mbuno. (be 235 ¶3) Musi mugudiswa a tshi pfesesa mbuno ya ndeme, fhirelani kha phara i tevhelaho.

U Gidimela U Fhedza U Vhala: Tshipikwa tshashu ndi u swikelela mbilu, hu si u gidimela u fhedza u vhala. (Luk 24:32) Shumisani Ipfi ḽa Mudzimu nga u livhisa ṱhogomelo kha maṅwalo. (2Ko 10:4; Heb 4:12; be 144 ¶1-3) Shumisani zwifanyiso zwi sa konḓi. (be 245 ¶2-4) Ni lingedze u ṱhogomela hune mugudiswa a kundelwa na u pfesesa zwine a tenda, nahone ni mu thuse u pfesesa ngudo. Vhudzisani mbudziso dzi tevhelaho: “Ni ḓipfa hani nga zwine na khou zwi guda?” “Ri guda mini nga ha Yehova?” “Hu vha na mbuyelo dzifhio musi ni tshi shumisa zwe na guda?”—be 238 ¶3-5; 259 ¶1.